- Hot Line
- + 995 599 88 54 68
- + 995 599 88 54 28
პრეს – რელიზი 25/06/2019
26 ივნისი არის წამების მსხვერპლთა დახმარების საერთაშორისო დღე. ამ დღეს ძალაში შევიდა გაეროს წამების საწინააღმდეგო კონვენცია, რომელიც საქართველოს რატიფიცირებული აქვს, თუმცა, უხეშად არღვევს ამ კონვენციით ნაკისრ ვალდებულებას, რაზედაც მეტყველებს ანტი – რუსული აქციის სისხლიანი დარბევა 2019 წლის 20 – 21 ივნისს, ღამით პარლამენტის შენობის წინ.
აღნიშნულთან დაკავშირებით 26 ივნისს, 13.00.- ზე, ცენტრი „ემპათია“ გამართავს პრეს – კონფერენციას ცენტრი „ემპათია“ -ს ოფისში კანდელაკის ქუჩა 23, თბილისი.
აღნიშნული დარბევის შედეგად 250 – ზე მეტი ადამიანი დაშავდა, მათ შორის, 30 მძიმედ, რამდენიმემ დაკარგა თვალი, ორი ადამიანი ახლაც სიკვდილს ებრძვის, 305 იყო უკანონოდ დაკავებული. აქციის მონაწილეებმა მოითხოვეს შინაგან საქმეთა მინისტრის გიორგი გახარიას გადადგომა, მიმდინარეობს ახალგაზრდა იურისტებისა და ექიმების შიმშილობა იმავე მოთხოვნით. ცენტრი “ემპათია“, სახელმწიფო მოდერნიზაციის ინსტიტუტი, ატლანტიკური საბჭო და State Craft Lab – ი არასამთავრობო ორგანიზაციები სრულად იზიარებენ ამ მოთხოვნებს და მოუწოდებენ საქრთველოს ხელისუფლებას მიიღოს ადეკვატური ზომები და გადააყენოს აღნიშნული მინისტრი.
შემოგვიერთდით!
ცენტრი „ემპათია“
ცხელი ხაზი: 599 885468 /28
